Advertise on BonPaSa.com
Advertise on BonPaSa.com

Abo sa kico ta infidelidad?

(Reading time: 3 - 5 minutes)

woman man
Hopi di nos a yeg'i experiencia e consecuencianan di infidelidad, sea como esun cometiendo e acto of esun traiciona. Pero kico infidelidad ta exactamente?

Den e articulo aki, Love Coach Desiree Swaen ta elabora riba diferente tipo di infidelidad. Beware, she might spill your beans! 


E contesta riba e pregunta; “Kico ta infidelidad?” pa hopi hende ta basta facil pa contesta. “Haci sex cu otro persona cu no ta bo pareha.” E contesta aki ariba su mes, ta corecto. Pero den e era digital y moderno aki, na unda e grens ta?

Tin hopi cos cu no ta encera interaccion sexual fisico, pero cu toch ta keda cuestionabel. Wak pornografia riba internet den secreto, ta infidelidad? Un ‘massage with happy ending’ ta infidelidad? Sexting cu un tercera persona (den e sentido di chat y intercambia portretnan of videonan sexual) ta infidelidad? Online dating den secreto, of sali cu un amigo/amiga sin cu bo pareha sa, ta infidelidad?
… e realidad ta cu hopi pareha ta evita e combersacion aki, te ora cu ta laat y ya un infidelidad a wordo cometi caba.”

E contesta riba esakinan ta depende hopi di locual e pareha a palabra cu otro. Por ehempel, esnan den asina yama ‘open relationships’ no ta considera e hecho di tene relacion sexual cu otro persona(nan) como infidelidad. Swingers (parehanan cu ta practica sex cu mas persona y ta wak otro haci’e) obviamente no ta considera sex cu otro persona(nan) como infidelidad. E ‘bottom line’ ta, cu locual ta wordo cualifica como infidelidad, ta depende di e tipo di relacion y palabracionnan haci entre e pareha. Pero e realidad ta cu hopi pareha ta evita e conversacion aki, te ora cu ta laat y ya un infidelidad a wordo cometi caba. E ironia ta, cu e ora ey si nan ta habri pa papia tocante infidelidad den tur detaye. Comunicacion ta inclui topiconan di combersacion menos agradabel, pero hopi importante, manera e topico di infidelidad.
Intimidad emocional ta encera comparti problemanan di bo relacion of otro cosnan intimo cu un tercera persona, en bes di comunica esakinan cu bo pareha.”

Den cuadro di e topico di infidelidad, ta bon pa sa cu ta existi tambe e asina yama ‘emotional infidelity’. Infidelidad emocional, ta sosode ora un partner ta drenta den intimidad emocional cu otro persona, cual intimidad emocional ta ‘one step away’ di un interaccion sexual fisico. Intimidad emocional ta encera comparti problemanan di bo relacion of otro cosnan intimo cu un tercera persona, en bes di comunica esakinan cu bo pareha.
Den e era digital aki, hopi hende ta mantene amistad cu otro persona via social media of chat, na unda nan sa cu tin un tipo di atraccion envolvi.”

Den e era digital aki, hopi hende ta mantene amistad cu otro persona via social media of chat, na unda nan sa cu tin un tipo di atraccion envolvi. Tambe tin personanan, cu ta mantene amistad cu un of mas persona encurashando nan interes, solamente pa boost nan propio ego of pa entretene nan mes. Hopi di esaki ta tuma luga riba WhatsApp, Facebook Messenger of otro tipo di chat. Esakinan no tur ora ta inclui sexting y door cu no tin interaccion fisico e por mustra como algo inocente y ‘fun’. E realidad ta, cu e persona cu ta haci esaki mester bay haci un analisis profundo pa wak kico e falta den su mes of den su relacion, cu ta ponele recuri na otronan pa yena un bashi. Hopi biaha e persona en cuestion ta gosa di e secrecia y misterio pero alabes ta sinti su mes culpabel y ta cuida su telefon extra hopi pa evita di wordo descubri. I hope I didn’t spill your beans....
trio
Como coach, mi ta respeta tur hende nan opinion, nan punto di bista y nan desicionnan. Pero na momento di cuminsa bo relacion, bo tawata sa caba, cu esaki lo bin cu cierto restriccionnan pa cu e manera con abo kier biba bo bida. Pues, boluntariamente bo a entrega parti di bo libertad, den e sentido cu awor bo tin cu tene cuenta cu e opinion di bo pareha, si bo kier pa bo relacion funciona bon.
… boluntariamente bo a entrega parti di bo libertad, den e sentido cu awor bo tin cu tene cuenta cu e opinion di bo pareha …”

Locual bo ta haci conscientemente, sabiendo cu bo pareha no lo aproba, obviamente lo por tin consecuencianan negativo pa bo relacion. Bo mag di scoge pa core e riesgo, pero semper bo mester ta cla pa enfrenta bo responsabilidad na momento cu bo accionnan wordo descubri. Esaki den hopi caso por nifica final di bo relacion y si no ta asina mes, e lo nifica un ‘breach of trust’ sumamente serio, caminda lo ta hopi dificil pa recobra e confianza necesario pa mantene un relacion stabiel. Pues, ta bon pa pone tur cos den un balansa y analisa pa bo mes, kico ta mas importante: un rato di diversion of mantene bo relacion.

Desiree Swaen01
Love Coach Desiree Swaen. Potret: Ayrton Tromp

Desiree Swaen ta un Coach profesional certifica, specialisa den relacion, perdida y spiritualidad. Combinando su pasion, educacion, training y experiencianan personal, Desiree a funda DS Relationship Coaching / DS Love Coach cu un solo meta: yuda hende descubri amor den nan mes y den otro. Sigui Desiree via su pagina di Facebook