Segun American Museum of Natural History, e ser humano ‘moderno’ a evoluciona na Africa alrededor di 200.000 aña pasa. Mas o menos 100.000 aña pasa migracion pa diferente parti di mundo a cuminsa. Riba e video por wak cu migracion a cuminsa for di Africa pa partidnan di Asia y Europa. Migracion a bay direccion zuid-oost yegando loke ta Australia awendia, pero tambe direccion noord-oost yegando e parti mas zuid di loke awendia ta Rusia (serca di Alaska). Desde e sitio eynan e migracion a yega e continente Americano y a sigui bay direccion zuid te loke awendia ta Sur America. Tur esaki cu un populacion di mundo di probablemente menos cu 1 miyon. Ora agricultura a inicia, populacion di mundo a cuminsa crece mas acelera. Riba e video por wak con e crecemento a desaroya cu tempo, bou diferenete imperio, dinastia y desaroyonan industrial. Inicialmente e crecemento tawata fuerte especialmente den partinan di Europa y Asia. Populacion di mundo a crece practicamente nonstop, cu excepcion di siglo 14 ora un plaga a mata miyones di hende.
Ta remarcabel cu a tuma 200.000 aña pa populacion mundial yega 1 biyon, pero despues den ‘apenas’ 200 aña populacion mundial a yega 7 biyon. E crecemento exponencial aki sigur tin su efectonan riba nos naturalesa y medio ambiente. Nos forma di anda cu naturalesa y medio ambiente ta un factor importante den determina con mundo lo ta pa nos y e siguiente generacionnan.
Expectativa ta cu populacion di mundo lo sigui crece pero lo ‘peak’ na 11 biyon. Wak e video akibou pa un splicacion di e motibo pakico populacion di mundo no lo surpasa 11 biyon.
