Mayoria di nos tin un of mas plan serio pa e siguiente aña, como tambe desicionnan pa mehora nos mes den diferente aspecto di nos bida. Lo ta bon pa nos analisa tambe nos relacion. Particularmente e area sexual, y mira na unda por mehora e parti importante aki, specialmente pa mantene e coneccion intimo, e ‘lijm’ cu ta wanta nos hunto. Aki ta sigui 10 resolucion pa aña 2019, sin orden di importancia.
1. Stop di tin berguensa
Den cualkier relacion sano, bo pareha ta e persona cu mas bo por confia. Es mas, esaki ta e persona cu regularmente ta wak bo completamente sunu, den bo estado mas vulnerabel. Intimidad, aunke ariba su mes e ta algo priva, no ta algo pa bo tin berguensa di dje. Si ta asina, tuma tempo pa analisa di unda e sentimiento di berguensa aki ta bin y realisa cu entre pareha, no tin nada ‘taboo’. Sex ta algo completamente natural. Un expresion humano cu poder di creacion.
2. Tuma tempo pa ‘foreplay’
Ta importante pa bo pareha sinti cu bo ta stim’e y bo ta ‘care’ p’e. Nos tur ta druk y tin tendencia di lubida riba detayenan, pero pa un bon entendimento y acercamento, bo mester zorg pa ‘quality time’, tambe den e area sexual. Tuma tempo pa desconecta di tur otro hende y tur otro cos y duna atencion completo na bo pareha. Carici’e, explora su curpa y haya sa su gustonan.
Tuma tempo pa desconecta di tur otro hende y tur otro cos y duna atencion completo na bo pareha.”
3. Duna otro un full body massage
Contacto fisico ta mas cu solamente e acto sexual. Hasta si e intencion na e momento ey no ta pa haci sex, haci uzo di e oportunidad pa duna y disfruta di un masashi di curpa completo. Uza azetanan manera sweet almond oil of coconut oil pa un masishi exotico. E azetanan aki ta comestible si no agrega nada mas. Pa un masashi relahante, romantico y sensual por agrega azetanan esencial manera lavender, rose y ylang ylang. Make sure cu bo azetanan ta natural y safe pa uzo riba cuero. Pa esaki mi ta recomenda e marca “Chi”, obtenibel na Curiosa.
4. Introduci ‘rollenspel’
Haci, aunke de vez en cuando, un ‘rollenspel’. Rollenspel ta algo hopi divertido y alavez ta yuda kibra e monotonia den e bida sexual. Pa esnan cu no sa kico mi kiermen, rollenspel ta mescos cu ora boso ta actuando den un comedia y boso ta representando un of otro personahe. Disfraz, lingerie, make-up, peluca y acesorio ta forma parti di esaki. Uza bo creatividad y have fun cu bo pareha.
5. Introduci posicionnan nobo
Un bon referencia pa posicionnan sexual cu kisas ainda boso no conoce of no a purba, ta e buki ‘Kama Sutra’. Google esaki, como tambe ‘Tantra’ y share e informacionnan aki cu bo pareha. Zorg pa bo no bira demasiado comfortabel. Ta un responsabilidad mutuo pa mantene e chispa den boso relacion. Mientras cu e candela ta sendi paden, no lo tin ningun motibo valido pa busca entretenimiento sexual pafor di e relacion.
Zorg pa bo no bira demasiado comfortabel. Ta un responsabilidad mutuo pa mantene e chispa den boso relacion.”
6. Introduci luganan nobo
Si e unico luga na unda bo ta haci sex ta den bo camber riba bo cama, a bira tempo pa cambia e custumber aki y purba otro luganan den cas. Y pa esnan cu ta durf, cualkier otro caminda cu boso ta sinti comodo. E sentido di aventura ta bay perdi door cu nos ta cay den rutina y automatismo. Kibra e monotonia explorando areanan nobo, esaki, claro semper teniendo na cuenta boso siguridad.
E sentido di aventura ta bay perdi door cu nos ta cay den rutina y automatismo.”
7. Wak peliculanan erotico hunto
Si bo no ta amante di pornografia of pa un of otro motibo ta haya esaki repulsivo, tin otro alternativanan den forma di peliculanan erotico. Ariba YouTube bo por busca pa haya idea cua peliculanan bo lo por wak hunto cu bo pareha, cu lo por alimenta e romance y sensualidad entre boso dos.
8. Crea un ambiente sensual
Haci uzo di belanan aromatico of incense pa crea un ambiente sexy. Si bo tin badkuip, yena esaki cu awa cayente y agrega flor, yerbanan aromatico of bath oil pa un baño relahante. Den douche, por haci uzo di bath spons cu showergel y baña otro. Ora caba, pone musica sensual y disfruta di un nice slow dance.
9. Explora e mundo di sex toys
Sex toys ta cosnan leuk pa introduci variacion den e encuentro sexual. Na Aruba tin diferente sex shops na unda bo por bay personalmente pa wak y haya conseho. Si esaki no ta algo cu bo ta sinti comfortabel cun’e, semper tin e opcion di order esakinan na un manera anonimo y confidencial. Contact mi via Facebook messenger pa mas informacion tocante esaki.
10. Por ultimo: Laga los y have fun!
Nos tur sa cu sex no ta solamente algo cu nos ta haci pa procrea. Demasiado seriedad ta “kill the mood”. Kibra ijs, sea espontaneo, haci joke, hari y have fun cu otro. Bida ta demasiado cortico pa no disfruta di dje.
Kibra ijs, sea espontaneo, haci joke, hari y have fun cu otro. Bida ta demasiado cortico pa no disfruta di dje.”
Mi ta desea boso tur di antemano un bon y safe cambio di aña y cu tur boso soñonan por bira realidad den 2019.
Let’s make love happen!
Love Coach Desiree Swaen. Potret: Ayrton Tromp
Desiree Swaen ta un Coach profesional certifica, specialisa den relacion, perdida y spiritualidad. Combinando su pasion, educacion, training y experiencianan personal, Desiree a funda DS Relationship Coaching / DS Love Coach cu un solo meta: yuda hende descubri amor den nan mes y den otro. Sigui Desiree via su pagina di Facebook.
